ՌԴ նախագահ Վլադիմիր Պուտինը ՅՈՒԿՕՍ-ի նախկին ղեկավար Միխայիլ Խոդորովսկուն ներում շնորհելու մասին հրամանագիր է ստորագրել:
«Ղեկավարվելով մարդասիրության սկզբունքով՝ որոշեցի.
Ներում շնորհել դատապարտյալ Միխայիլ Բորիսի Խոդորովսկուն՝ ծնված 1963թ. Մոսկվայում, նրան ազատելով հետագա պատժաչափը կրելու պարտավորությունից:
Սույն հրամանագիրն ուժի մեջ է մտնում ստորագրման օրվանից»,- մասնավորապես գրված է փաստաթղթում, որը տեղադրել է Կրեմլի կայքը:
Դեկտեմբերի 19-ի մամուլի ասուլիսում Պուտինը հայտարարել էր, որ Խոդորովսկին ներում հայցող դիմում է գրել, եւ առաջիկայում այդ հարցով հրամանագիր կստորագրվի: