Հայաստանի նախագահ Սերժ Սարգսյանն, այսօր՝ դեկտեմբերի 30-ին, ցավակցական հեռագիր է հղել Ռուսաստանի Դաշնության Նախագահ Վլադիմիր Պուտինին՝ Վոլգոգրադում տեղի ունեցած ահաբեկչական գործողությունների կապակցությամբ:
Ուղերձում ասվում է.
«Հարգելի՛ Վլադիմիր Վլադիմիրի,
Ընդունեք խորին ցավակցություն Վոլգոգրադում տեղի ունեցած սարսափելի ողբերգության՝ ահաբեկչական գործողությունների կապակցությամբ, որը բազմաթիվ մարդկային զոհերի պատճառ դարձավ:
Կտրականապես դատապարտում ենք ահաբեկչության ցանկացած դրսեւորում:
Մենք սգում ենք բոլոր նրանց հետ, ովքեր Նոր տարվա եւ Քրիստոսի Սուրբ ծննդյան լուսավոր տոնի նախաշեմին կորցրել են իրենց հարազատներին ու մտերիմներին եւ հույս ունենք, որ բոլոր տուժածները շուտափույթ կապաքինվեն»:
