Սիրիայի կառավարական բանակը երկրում իրականացվող հակաահաբեկչական գործողությունների ընթացքում ոչնչացրել է եւս երկու ադրբեջանցի վարձկանների, որոնք կռվում են այսպես կոչված սիրիական զինված ընդդիմության կողմում:
Ադրբեջանի ԱՊԱ գործակալությունը, վկայակոչելով իսլամիստների կայքերը, հայտնում է, որ ոչնչացվել են Նամիգ Ասկերովը, որը կռվում էր ԱՄՆ-ի կողմից ահաբեկչական կազմակերպություն ճանաչված «Ջեբհաթ ան Նուսրիի» շարքերում, եւ Սոլթան մականունով Ազերի Սեյֆուլահը: Կայքերը նաեւ տարածել են ադրբեջանցի վարձկանների լուսանկարները:
Սիրիայի կառավարական բանակի դեմ մարտերում ահաբեկիչների բազմաթիվ խմբավորումների կազմում կան ադրբեջանցի վարձկաններ: Նրանցից տասնյակները ոչնչացվել են:
