Վրաստանի իշխանությունները ծրագրում են նախագիծ իրականացնել, որպեսզի գիտականորեն ապացուցեն, թե երկիրը գինու հայրենիքն է:
«Նախագիծը կրում է գիտական բնույթ եւ նպատակ ունի գիտական հիմքերի վրա պարզել եւ նույնականացնել վրացական խաղողի որթի ծագման աղբյուրները, որպեսզի գինու հայրենիքի մասին վեճերը փաստարկված լինեն, եւ համապատասխան ապացույցները դրվեն սեղանին»,- ասել է Վրաստանի գյուղնախարարության գինու վարչության պետ Լեւան Դավիթաշվիլին:
Նրա խոսքով, ծրագրին մասնակցելու են առաջատար գիտնականներ, գենետիկներ, հետազոտողներ, հնագետներ Գերմանիայից, Ֆրանսիայից եւ այլ երկրներից:
«Մենք վստահ ենք, որ Վրաստանը գինու հայրենիքն է, բայց դա պետք է գիտականորեն ապացուցել»,- ասել է Դավիթաշվիլին:
