Ռուսաստանի որոշ օդանավակայաններում արգելել են բոլոր տեսակի հեղուկներն օդանավ անցկացնելը, ներառյալ անձնական հիգիենայի միջոցներն ու դեղերը:
Այսպես, Մոսկվայի «Շերեմետեւո» եւ «Վնուկովո» օդանավակայաններում մինչեւ 2014թ. մարտի 21-ը օդանավում կարգելվեն բոլորտեսակի հեղուկները՝ ներառյալ անձնական հիգիենայի միջոցները, մանկական կերերը, աերոզոլները եւ ցանկացած տարաներով քսուքները, ներկերն ու սոսինձները:
Դեղամիջոցները թույլատրվում են միայն այն դեպքում, եթե ուղեւորն ունի բժշկական տեղեկանք, որն ապացուցում է թռիչքի ժամանակ դեղամիջոցի ընդունման անհրաժեշտությունը, հայտնում է lenta.ru-ն:
Հաղորդվում է, որ արգելքը կապված է Սոչիում Օլիմպիական խաղերի անցկացման հետ:
Միաժամանակ, «Դոմոդեդովոյից» եւ պետերբուրգյան «Պուլկովոյից» հայտնել են, որ այնտեղ հին կանոննորն են գործում, այսինքն՝ թույլատրվում է օդանավ տանել հեղուկներ՝ 100 միլիլիտրից ոչ ավելի տարողունակությամբ տարաներով:
Ընդ որում՝ սահմանափակումները մանկական սննդի ու դեղամիջոցների վրա չեն տարածվում:
