Մոսկվան եւ Թեհրանը բանակցություններ են վարում իրանական նավթը ռուսական ապրանքների դիմաց մատակարարումների վերաբերյալ:
Ըստ Reuters-ի աղբյուրների՝ Ռուսաստանը կստանա օրական մինչեւ 500 հազար բարել նավթ (տարեկան 25 միլիոն տոննա)՝ ռուսական սարքավորումների եւ ապրանքների դիմաց:
Ներկայումս կողմերը քննարկում են գործարքի մանրամասները, որոնցից կախված կլինի համաձայնագրի կնքման ամսաթիվը:
ԻՏԱՌ-ՏԱՍՍ-ը հաղորդում է, որ ԼՈՒԿՕՅԼ-ի մամուլի ծառայությունում հրաժարվել են մեկնաբանություններից, ընդ որում ԼՈՒԿՕՅԼ-ի աղբյուրը հայտնել է, որ ընկերությունը բանակցությունների հետ կապ չունի:
Բացի դրանից, ՌԴ էներգետիկայի նախարարության ներկայացուցիչները դեռ օպերատիվ մեկնաբանություն չեն ներկայացրել:
Ըստ Reuters-ի՝ Իրանը նման պայմանագիր կարող է կնքել նաեւ Չինաստանի հետ: