Թուրքիայի ԱԳ նախարար Ահմեդ Դավութօղլուն 2013-ի դեկտեմբերի 17-ի «մեծ կաշառք» գործողության հետ կապված հայտարարության մեջ նշել է, թե Անգլիան, Ֆրանսիան եւ մյուսները Թուրքիայի վերջին տարիների հզորացումից անհանգստացել են։
Թուրքական Milliyet-ի փոխանցմամբ՝ Թուրքիայի ԱԳ նախարար Ահմեդ Դավութօղլուն, հանդիպելով Թուրքիայի մի խումբ պատգամավորների հետ, անդրադարձել է «մեծ կաշառք» գործողությանը։ Դավութօղլուն հայտարարել է, թե վերջին 11 տարում Թուրքիան հզորանում է, ինչն անհանգստացնում է Անգլիային, Ֆրանսիային եւ որոշ երկրներին։
«Վերջին իրադարձություններում դրսի ուժերի ազդեցությունը կա։ Գյուլենի հատուկ դպրոցների խնդիրն էլ առիթ էր այդ ամենի համար։ Սակայն մենք կհաղթահարենք այս դժվարությունները։
Այնպիսի իրավիճակ է ստեղծվել, որ չենք հասկանում, թե ում վստահենք։ Սկսել ենք աջ ու ձախ կասկածանքով նայել»,-ասել է Դավութօղլուն։