Փրկարար ծառայությունը հունվարի 13-ին, ժամը 03.01-ին տեղեկություն է ստացել, որ Շիրակի մարզի Ցողամարգ գյուղի մոտակայքում տեղի է ունեցել վթար. կան տուժածներ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Գյումրի-Բավրա ավտոճանապարհի 26-րդ կմ-ին «ՍԿԱՆԻԱ» մակնիշի SAO-822 պետհամարանիշով բեռնատար ավտոմեքենան դուրս է եկել ճանապարհի երթեւեկելի մասից եւ շրջվել:
Վթարի հետեւանքով վարորդը՝ 1957 թ. ծնված Գ. Յ. (Վրաստանի Հանրապետության քաղաքացի), տեղում մահացել է:
Հրշեջ-փրկարարները ավտոմեքենայից դուրս են բերել ուղեւոր՝ 1982 թ. ծնված Զ. Կ. (Վրաստանի Հանրապետության քաղաքացի):
Բժիշկները տուժածի առողջական վիճակը գնահատել են բավարար: