Հունվարի 14-ի լույս 15-ի գիշերը ՊԲ հյուսիսային ուղղությամբ տեղակայված զորամասերից մեկում հիվանդության պատճառով մահացած 21-ամյա Հայկ Հովհաննեսի Մակարյանը Երեւանի Նոր Արեշ թաղամասից է: Այս մասին NEWS.am-ի թղթակցի հետ զրույցում ասացին նրա ծանոթները:
Նրանք փոխանցեցին, որ, նախնական տեղեկություններով, Հայկը ներքին օրգանների հետ կապված խնդիր է ունեցել եւ միայն հունվարի 14-ի գիշերն են տեղափոխել Ալաշանի հոսպիտալ եւ լույս 15-ի գիշերն էլ մահացել է: Դեռեւս հայտնի չէ բժիշկները նրան պատշաճ բուժօգնություն ցուցաբերել են, թե ոչ:
Սակայն ՊՆ-ն քննչական ծառայությունից NEWS.am-ին փոխանցեցին, որ այս պահին ոչինչ չեն կարող ասել մահվան հանգամանքների մասին, քանի որ իրական պատճառները պարզելու համար քննություն է տարվում:
Ավելի վաղ տեղեկացրել էինք, որ հունվարի 14-ի լույս 15-ի գիշերը ՊԲ հյուսիսային ուղղությամբ տեղակայված զորամասերից մեկում հիվանդության պատճառով մահացել է զինծառայող, 1993թ. ծնված Հայկ Հովհաննեսի Մակարյանը: ԼՂՀ ՊՆ մամուլի ծառայությունից հայտնել էին, թե դեպքի մանրամասները պարզելու համար տարվում է քննություն:
