Միջազգային իրավապաշտպան «Freedom House» կազմակերպությունը «Ազատությունն աշխարհում-2014» զեկույցում հերթական անգամ Հայաստանը համարել է «մասնակի ազատ» երկիր:
Հայաստանը քաղաքական իրավունքների վարկանիշում ստացել է 5 բալ՝ 7 հնարավորից եւ 4 բալ քաղաքացիական իրավունքների սանդղակում:
Հարեւան Վրաստանը նույնպես ունի «մասնակի ազատ» երկրի կարգավիճակ: Ընդհանուր առմամբ՝ Եվրասիան համարվել է աշխարհի ամենառեպրեսիվ հատվածներից մեկը:
Մասնավորապես, զեկույցում նշվում է, որ Ռուսաստանը, Ադրբեջանն ու Ղազախստանը (բոլոր երեքն էլ համարվում են «ոչ ազատ») իրավունքների հարցում անկում են ապրում, սակայն հարուստ բնական ռեսուրսները նրանց թույլ է տալիս խուսափել ժողովրդավարական կառավարությունների քննադատություններից:
Զեկույցի Ռուսաստանին վերաբերող հատվածում ընդգծվում է, որ երկիրը սպառնալիքներ է կիրառել Հայաստանի եւ Ուկրաինայի նկատմամբ՝ ԵՄ-ի հետ ինտեգրման հարցում:
«Վիճելի տարածքներ» բաժնում ներառվել է նաեւ Լեռնային Ղարաբաղը, որը եւս համարվել է «մասնակի ազատ»: