ԵՄ արտաքին քաղաքականության եւ անվտանգության հարցերի գերագույն ներկայացուցիչ Քեթրին Էշթոնը իր երախտագիտությունն է հայտնել ԵՄ-ի՝ Հարավային Կովկասի եւ Վրաստանում ճգնաժամի հարցերով հատուկ ներկայացուցիչ Ֆիլիպ Լեֆորին:
«Ես կցանկանայի շնորհակալություն հայտնել դեսպան Լեֆորին նրա ջանադիր աշխատանքի, էներգիայի եւ ինքնազոհության համար որպես Ժնեւի միջազգային երկխոսության համանախագահ եւ որպես ԵՄ-ի Հարավային Կովկասի եւ Վրաստանում ճգնաժամի հարցերով հատուկ ներկայացուցիչ»,-ասված է Էշթոնի հայտարարությունում՝ դեսպանի մանդատի ավարտի առթիվ:
Նա նշել է, որ դիվանագետը համբերատար եւ օբյեկտիվորեն աշխատել է, որպեսզի օգնի հակամարտող կողմերին տարաձայնությունները հարթելու գործում եւ կարողացել է վաստակել նրանց վստահությունը:
Էշթոնը նշել է, որ ԵՄ-ն հավատարիմ է Հարավային Կովկասում հակամարտությունների կարգավորմանը:
ԵՄ-ն Լեֆորի հաջորդին կնշանակի մոտակա շաբաթներին:
