2014թ. Ստեփանավանի օդանավակայանը կվերագործարկվի, փետրվարի 1-ին լրագրողներին ասել է Հայաստանի Ազգային անվտանգության խորհրդի քարտուղար Արթուր Բաղդասարյանը: Ըստ նրա՝ օդանավակայանը կօգտագործվի ՀԱՊԿ երկրների ԱԻ նախարարությունների չվերթների համար:
«Դրան զուգահեռ, այն իհարկե կօգտագործվի քաղաքացիական թռիչքների համար»,- հավելել է Բաղդասարյանը:
Ստեփանավանի օդանավակայանը կառուցվել էր 1982թ.: 2006-ից այն չի գործում եւ ներառվել է պետական գույքի մասնավորեցման ծրագրում: Կառավարության որոշմամբ՝ 2013թ. օգոստոսին օդանավակայանը հանձնվել էր ՀՀ արտակարգ իրավիճակների նախարարությանը:
