Հայաստանի եւ Ադրբեջանի նախագահները պատրաստակամություն են հայտնել պահպանել հրադադարը օլիմպիադայի ժամանակ: Այդ մասին Twitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:
Ավելի վաղ նա հայտնել էր, որ թեեւ բարձր մակարդակով հանդիպման ժամկետը դեռ հայտնի չէ, Հայաստանի նախագահը պատրաստակամություն է հայտնել շարունակել երկխոսությունը ղարաբաղյան հակամարտության խաղաղ կարգավորման ուղղությամբ: «Լավ բանակցություններ Երեւանում»,- գրել էր դիվանագետը:
Հիշեցնենք, որ ԵԱՀԿ Մինսկի խմբի համանախագահները տարածաշրջան այցելել են փետրվարի 3-5-ը:
