Հայկական պատվիրակությունը կմասնակցի ԵԱՀԿ Խորհրդարանական վեհաժողովի հատուկ նիստին, որը փետրվարի 13 – 14 կկայանա Վիեննայում: Այս մասին NEWS.am-ի թղթակցի հետ զրույցում հայտարարել է ԵԱՀԿ Խորհրդարանական վեհաժողովում հայկական պատվիրակության ղեկավար, ՀՀԿ-ական պատգամավոր Արտաշես Գեղամյանը:
Ըստ նրա՝ նստաշրջանի ընթացքում նախատեսվում են նաեւ հայ պատվիրակների ելույթները: Նա նաեւ հաղորդել է, որ նստաշրջանի ընթացքում տեղի կունենա ԵԱՀԿ ԽՎ երեք հիմնական կոմիտեների ընդհանուր նիստը:
Ելույթով հանդես կգա ԵԱՀԿ ԽՎ նախագահ Ռանկո Կրիվոկապիչը ու Ավստրիայի ԱԺ նախագահ Բարբարա Պրամերը: Տեղի կունենան ծայրահեղականության, արմատականության ու այլատյացության, ինչպես նաեւ Ուկրաինայում տիրող իրավիճակի վերաբերյալ հատուկ բանավեճեր: