Հայաստանը չի դադարում ԵՄ ծրագրերով համագործակցությունը: Այս մասին փետրվարի 18-ին հայտարարել է Հայաստանի էկոնոմիկայի փոխնախարար Գարեգին Մելքոնյանը՝ կառավարությունում տեղի ունեցած մամուլի ասուլիսի ժամանակ: Մասնավորապես, ԵՄ հետ բանակցություններ են տարվում Հայաստանի գյուղատնտեսությանը հնարավոր բյուջետային աջակցություն ցւոցաբերելու հարցի շուրջ: Շարունակվում են նաեւ տեխնիկական աջակցության գրանտային ծրագրերը:
«Եթե հիշում եք, ԵՄ հետ Հայաստանի համակարգող ազգային մարմինը հենց մեր նախարարությունն է: Աշխատանքներն ամբողջ ակտիվությամբ շարունակվում են: Մարտին մենք ծրագրում ենք հանդիպել մեր եվրոպացի գործընկերների հետ՝ Twinning-ի շրջանակներում»,-ընդգծել է Մելքոնյանը:
