Վրաստանի եւ Իրանի հետ Հայաստանի առեւտրային ռեժիմը չի կարող վատանալ Մաքսային միությանն անդամակցելուց հետո: Այս մասին փետրվարի 18-ին լրագրողներին ասել է էկոնոմիկայի փոխնախարար Գարեգին Մելքոնյանը: Նա հիշեցրել է, որ Մաքսային միությունը Վրաստանի եւ Իրանի հետ նույն առեւտրային ռեժիմն ունի, որը որ Հայաստանը. Վրաստանի հետ՝ ազատ առեւտրի ռեժիմ, Իրանի հետ՝ առավել բարենպաստ ռեժիմ:
«Այլ կերպ ասած՝ այստեղ մեր իրավական դաշտը համընկնում է, նշանակում է՝ այն փոխելու կարիք չկա: Իհարկե, սա ձեռնտու է մեզ», - բացատրել է Մելքոնյանը: