Վրաստանի բնակիչը սպանել է ուզբեկստանցի իր սիրուհուն եւ նրա մարմնով հանդերձ գնացել հանձնվելու Մոսկվայի ոստիկանությանը:
Ըստ նրա՝ դեպքը կատարվել է մարտի 3-ին Ռուբլյովո ավանում: Տղամարն ինքն է զանգահարել իրավապահներին եւ հայտնել սպանվածի մարմինը ոստիկանություն տեղափոխելու իր մտադրության մասին, հայտնում է «ՌԻԱ Նովոստին»՝ վկայակոչելով իրավապահ մարմինների աղբյուրը:
«Պարզվել է, որ Ռուբլյովո ավանի Սովետսկայա փողոցի 13 շենքի շքամուտքում տղամարդը վեճի ընթացքում դանակի երկու հարված է հասցրել Ուզբեկստանի բնակչուհու կրծքին, որը տեղում մահացել է: Հետո տղամարդը դիակը տեղավորել է մեքենայի հետեւի նստատեղում եւ ուղեւորվել ոստիկանական բաժանմունք՝ հանձնվելու»,- ասել է գործակալության զրուցակիցը:
Դեպքի պատճառները պարզվում են:
