Ղրիմում տեղի ունեցող իրադաձություններին Թուրքիայի արձագանքը լիովին տրամաբանական է: Այս մասին այսօր կայացած մամուլի ասուլիսի ժամանակ հայտարարել է թուրքագետ Մուշեղ Խուդավերդյանը՝ հավելելով, որ Թուրքիան ԱՄՆ դաշնակիցն է ու միեւնույն ժամանակ փորձում է պահպանել հարաբերությունները Ղրիմի թաթարների հետ: Ըստ նրա՝ Թուրքիան որպես ԱՄՆ դաշնակից, ավելի շատ ծառայում է նրանց շահերին, քան վարում անկախ քաղաքականություն:
Նշենք, որ Ղրիմի թաթարների մի մասը դեմ է հանդես գալիս Ղրիմի՝ Ուկրաինայից անջատվելուն ու Ռուսաստանին միանալուն: Սակայն նրանց դիրքորոշումը կտրուկ մեղմացել է այն բանից հետո, երբ Ղրիմ է մեկնել Թաթարստանի հանրապետության ներկայացուցչական պատվիրակությունը: