ՀՀ սպորտի եւ երիտասարդության նախարար Յուրի Վարդանյանը չի միջամտում որդու դատավարությանը։ Այս մասին այսօր՝ մարտի 6-ին,  NEWS.am-ին ասաց Յուրի Վարդանյանը։

«Իմ կողմից դատական գործընթացին միջամտություն չի եղել եւ չի էլ լինի, ինքը համապատասխան իր պատիժը պիտի կրի, ամենայն ազնվությամբ եմ ասում»,-ասաց նախարարը։

Հիշեցնենք, որ Յուրի Վարդանյանի որդու՝ Դավիթ Վարդանյանի նկատմամբ քրեական գործ է հարուցվել Իրանից առանց իրացնելու նպատակով թմրանյութ ձեռք բերելու եւ մաքսանենգ ճանապարհով Հայաստան տեղափոխելու փորձի համար։