Եվրամիությունն Ուկրաինային 11 մլրդ եվրո է առաջարկում: Նման հայտարարություն է արել Եվրահանձնաժողովի նախագահ Ժոզե Մանուել Բարոզուն, ԵՄ արտակարգ գագաթաժողովից հետո, հաղորդում է CNN-ը: Գագաթաժողովը պաշտպանել է Եվրահանձնաժողովի առաջարկությունը:
Միջոցները կհատկացնեն Եվրամիությունը, Վերակառուցման եւ զարգացման եվրոպական բանկը եւ Եվրոպական ներդրումային բանկը:
3 մլրդ եվրո կհատկացվի որպես մակրոէկոնոմիկ օգնություն: Դրանից 1,6 մլրդ եվրոն կկազմի վարկը, 1,4 մլրդ եվրոն՝ դրամաշնորհը:
Վերակառուցման եւ զարգացման եվրոպական բանկը եւ Եվրոպական ներդրումային բանկը միասին կարող են հատկացնել 8 մլրդ եվրո:
«Եվրահանձնաժողովի արած առաջարկությունը ողջունել են բոլոր երկրների ղեկավարները»,-հայտարարել է Բարոզուն: