Արցախի Հանրապետության նախագահ Բակո Սահակյանը այսօր՝ մարտի 8-ին, այցելել է Ասկերանի շրջանի Խանցք գյուղ եւ մասնակցել այնտեղ կազմակերպված Թոնրահացի տոնին:
ԼՂՀ նախագահի մամուլի գրասենյակից հայտնում են, որ Բակո Սահակյանն ընդգծել է, որ ազգային ավանդույթների պահպանումը մեր ինքնության անբաժան մասն է եւ այս համատեքստում կարեւորել նման միջոցառումների անցկացումը:
Տոնակատարությանը ներկա են եղել ԱԺ խոսնակ Աշոտ Ղուլյանը, վարչապետ Արա Հարությունյանը, պաշտոնատար այլ անձինք:
