Հայաստանի կառավարությունը հաստատել է սփյուռքահայ երիտասարդության համար «Արի տուն» 2014թ ծրագիրը: Այս տարի Հայաստան կայցելեն մինչեւ 1000 դեռահասներ: 13 – 18 տարեկան երիտասարդները ամառը կանցկացնեն հայկական ընտանիքներում: Բացի այդ, ծրագրի մասնակիցների համար նախատեսված է երկուշաբաթյա ամառային ճամբար: Մասնակիցները ինքնուրույն են վճարում ճանապարհածախսը, մնացած ամեն ինչ ֆինանսավորում է ծրագիրը:
«Արի տուն» ծրագիրն իրականացվում է Սփյուռքի նախարարության կողմից՝ սկսած 2009թ: Այդ ընթացքում Հայաստան է այցելել մոտ հինգ հազար երիտասարդ հայ՝ ամբողջ աշխարհից:
