Ճգնաժամն Ուկրաինայում կլինի հաջորդ շաբաթ Եվրոպայում ԱՄՆ նախագահ ԲարաքՕբամայի հանդիպումների հիմնական թեմաներից մեկը: Այս մասին հայտնել է Օբամայի ազգային անվտանգության հարցերով խորհրդական Սյուզան Ռայսը, հաղորդում է USA Today-ը:
Չորեքշաբթի Բրյուսելում Օբաման կմասնակցի ԵՄ երկրների առաջնորդների գագաթաժողովին եւ կայցելի ՆԱՏՕ-ի շտաբ-բնակարան: Օբաման ելույթ կունենա նաեւ ուկրաինական խնդրի շուրջ:
«Աշխարհին մի բան հստակ կլինի՝ Ռուսաստանի մեկուսացումը կաճի, իսկ ԱՄՆ-ը կգլխավորի միջազգային հանրությունը՝ Ուկրաինայի աջակցելու հարցում, նաեւ Ռուսաստանի վրա լրացուցիչ վճարներ կդրվեն իր ագրեսիայի պատճառով»,-ասել է Ռայսը:
Հինգշաբթի Օբամային կընդունի Հռոմի Պապ Ֆրանցիսկոսը: Նրանց զրույցի հիմնակն թեման կլինի եկամուտների անհավասարության վերացումը: Օբամայի այցի վերջին վայրը կլինի Սաուդյան Արաբիան: