ԱՄՆ-ն ու Եվրոպան միասնական են այն հարցում, որպեսզի Ռուսաստնը վճարի Ղրիմում իր գործողությունների համար: Այս մասին հայտարարել է ԱՄՆ նախագահ Բարաք Օբաման՝ Նիդերլանդների վարչապետ Մարկ Ռյուտեի հետ հանդիպումից հետո:
Օբաման ընդգծել է, որ ԱՄՆ-ն ու Եվրոպան միասնական են ուկրաինական իշխանությանն ու ժողովրդին աջակցելու մտադրելու հարցում, հաղորդում է «Ազատություն ռադիոկայանը»:
ԱՄՆ նախագահը նաեւ ՆԱՏՕ-ում Վաշինգթոնի դաշնակիցներին կոչել է մերձավոր դաշնակիցներ ու հայտարարել, որ Եվրոպան Ամերիկայի ու աշխարհի փոխգործակցության հիմնաքարն է:
Նշենք, որ իր եվրոպական շրջագայության ընթացքում Օբամն կմեկնի նաեւ Հագա, որտեղ միջուկային անվտանգության գագաթաժողովի ընթացքում տեղի կունենա G7-ի առաջնորդների հանդիպումը՝ կապված ուկրաինական հարցի հետ:
