Օրերս Լիբանանում առեւանգված Ջորջ Թամազյանին ազատ են արձակել: Այդ մասին NEWS.am-ի թղթակցի հետ զրույցում հաղորդել է Լիբանանում լույս տեսնող հայկական «Ազդակ» թերթի գլխավոր խմբագիր Շահան Կանդահարյանը:
Նրա խոսքով՝ իրավապահ մարմիններին հաջողվել է նույնիսկ առանց փրկագնի հասնել Լիբանանի քաղաքացի Ջորջ Թամազյանի ազատ արձակմանը: «Այստեղ քաղաքական խնդիր չկա, առեւանգումը կապված չէր Ջորջ Թամազյանի ազգության հետ, խնդիրը միայն նյութական բնույթ էր կրում»,- նշել է Շահան Կանդահարյանը:
Հիշեցնենք, որ Լիբանանում անհայտ զինված անձինք առեւանգել էին հայ Ջորջ Թամազյանին: Առեւանգողները թաքնվել էին երկու մեքենաներով: Առեւանգվածի եղբայր Արա Թամազյանը հաղորդել է, որ հաղորդագրություն է ստացել 50 հազար դոլար փրկագնի պահանջի վերաբերյալ:
