ԿԺԴՀ-ի առաջնորդ Կիմ Չեն Ընը առաջին անգամ հանրության առաջ հայտնվել է կրտսեր քրոջ՝ Կիմ Յո Չժոնի եւ կնոջ՝ Լի Սոլ Չժուի հետ: Նրանք մարտի 22-ին Փհենյանում ներկա են գտնվել հայրենական Moranbong Band փոփ խմբի համերգին:
Կիմ Չեն Ընը կնոջ հետ առաջին շարքում էր նստել, իսկ ՝ Կիմ Յո Չժոնը՝ երկրորդ շարքում՝ աջից երկրորդը:
Արեւմտյան մամուլն առաջին անգամ հյուսիսկորեական առաջնորդի կրտսեր քրոջը լուսանկարելու հնարավորություն է ստացել, հայտնում է «Կոմսոմոլսկայա պրավդան»:
Ասում են՝ 27-ամյա Կիմ Յո Չժոնը աստիճանաբար ընդգրկվում է երկրի գերագույն ղեկավարության կազմում եւ շուտով կարող է գրավել Կիմ Գեն Հիի՝ լեգենդար Կիմ Իր Սենի դստեր տեղը: Ընի եւ Յո Չժոնի հորաքույրն արդեն վաղուց մարդամեջ դուրս չի գալիս, ինչը ասեկոսեների պատճառ է դարձել: Ենթադրում են, որ նա մահացել է:
Հարավկորեացի լրագրողները Հյուսիսային Կորեայի բռնակալի մասին հերթական սենսացիան են տարածում: Այս անգամ պնդում են, որ նրա կինը կրկին հղի է: Ըստ նրանց դիտարկումների՝ Կիմ Չեն Ընի կինը գիրացել է եւ միջոցառումներից մեկի ժամանակ չկաշկանդող հագուստով է եղել: