ՌԴ կառավարությունը երկրի նախագահ Վլադիմիր Պուտինին է ներկայացրել Հայաստանի Հանրապետության հետ ռազմատեխնիկական համագործակցության զարգացման մասին պայմանագիրը՝ այն վավերացնելու: Համապատասխան փաստաթուղթը տեղադրվել է իրավական տեղեկատվության պաշտոնական պորտալում, հաղորդում է «ՌԻԱ Նովոստին»:
Նշենք, որ պայմանագիրը վերաբերում է ռազմատեխնիկայի ու սպառազինության շահագործման ժամկետների երկարացման, ուտիլիզացիայի, արդիականացման, վերանորոգման, շահագործման, արտադրության ու մշակման ոլորտին: Փաստաթուղթը ստորագրվել էր Երեւանում հունիսի 25-ին: