Հայկական պատվիրակությունը Սիրիայից կվերադառնա շաբաթ օրը, մարտի 27-ին կառավարության նիստում հայտնել է արտգործնախարար Էդվարդ Նալբանդյանը: Ըստ նրա՝ մարտի 26-ին պատվիրակությունը Լաթաքիայից մեկնել է Դամասկոս եւ այսօր այնտեղ հանդիպումներ կունենա:
Վարչապետ Տիգրան Սարգսյանը նշել է, որ Հայաստանն անհրաժեշտ քայլեր է ձեռնարկում տեղահանվածների վիճակը թեթեւացնելու համար:
«Մենք չպետք է տպավորություն թողնենք, որ անտարբեր ենք մեր հայրենակիցների ճակատագրի նկատմամբ: Հանրությանը պետք է հակառակն ապացուցել», - ասել է վարչապետը:
Նշենք, օրերս Սիրիայի Քեսաբ քաղաքում՝ Թուրքայի հետ սահմանի կողմից, Թուրքիայից ներխուժած զինված հանցախմբերի զանգվածային հարձակում էր եղել:
Քաղաքը բնակեցված էր հայերով եւ ալեւիներով: Բնակչության մեծ մասը հանգրվանել է Լաթաքիայում:
