Վրաստանի ու Ուկրաինայի ՆԱՏՕ-ին անդամակցելն այս փուլում չի ծրագրվում: Այս մասին հայտարարել է եվրոպական ու եվրոատլանտյան կառույցներին ինտեգրվելու հարցերով պետական նախարար Ալեքսի Պետրիաշվիլին:
Ինչպես պաշտոնյան է նշել, ՆԱՏՕ-ի գագաթաժողովում Վրաստանն անպայման որոշում կստանա, որը կարտացոլի բարձր առաջընթացը, դրան պատրաստ են դաշինքում ու դրա ղեկավարությունում, հաղորդում է Գրուզիա Online-ը:
Պետական նախարարի խոսքով՝ Վրաստանի ու Ուկրաինայի անդամակցութունը ՆԱՏՕ-ին այս փուլում չի նախատեսվում, սակայն գործընթացը դինամիկորեն է զարգանում ու վրացական իշխանությունները կանեն ամեն բան, որպեսզի առավելագույնս ապահովեն այդ իրադարձությունների զարգացումը:
Նշենք, որ մարտի 26-ին ԱՄՆ նախագահ Բարաք Օբաման հայտարարել էր, որ ՆԱՏՕ-ն առաջիկայում չի ծրագրում ընդլայնվել:
