Իսպանացի պատմաբանները պնդում են, որ քրիստոնեական ամենագլխավոր սրբություններից մեկը՝ սուրբ Գրաալը, գտնվում է Իսպանիայի հյուսիսի Լեոն քաղաքում:
Պատմաբաններ Մարգարիտա Տորեսը և Խոսե Օրտեգա Դել Պիոն երեք տարի ուսումնասիրել են Սուրբ Իսիդոր բազիլիկում պահվող սրբությունները: Արդյունքում նրանք հրապարակել են «Գրաալի արքաները» գիրքը:
Իսպանացի պատմաբանների վարկածով՝ XI դարում գավաթը տարել են Հյուսիսային Աֆրիկա, ինչից հետո Կահիրեի խալիֆը այն նվիրել է Իբերիական թերակղզու էմիր Դենիին՝ ի նշան շնորհակալության երկիրը սովից փրկելու համար: Էմիրն իր հերթին 1054թ. գավաթը նվիրել է Կաստիլիայի կոմսին եւ Լեոն Ֆերդինանդ I թագավորին՝ ի նշան խաղաղության եւ հարգանքի: Այնուհետեւ գավաթն ստացել է Ֆերդինանդ I թագավորի դուստրը՝ Ուռական, որն էլ գավաթը զարդարել է իր թանկարժեք զարդերով:
Սուրբ Գրաալը այն գավաթն է, որից Խորհրդավոր ընթրիքի ժամանակ գինի է խմել Հիսուսը եւ որի մեջ խաչելությունից հետո հավաքվել է նրա արյունը: Առասպելն ասում է, որ Գրաալի գավաթից ըմպողը դարերի ապաշխարանք կամ հավիտենական կյանք կստանա: