Ղրիմթաթարական մեջլիսը հանրաքվեի է պատրաստվում՝ ղրիմթաթարական ժողովրդի կամքը պարզելու համար, հայտարարել է հանրաքվեի նախապատրաստման կազմակերպչական խմբի անդամ Աբդուռահման Էգիզը, հայտնում է «Ազատություն ռադիոն»:
Ըստ նրա՝ ղրիմթաթարական ժողովրդի հանրաքվեն պետք է անցկացվի ՄԱԿ-ի կամ ԵԱՀԿ-ի կամ էլ նման այլ կազմակերպությունների ղեկավարությամբ:
«Հանրաքվեն պետք է լեգիտիմ լինի եւ աշխարհի կողմից ճանաչվի», - նշել է մեջլիսի ներկայացուցիչը:
Ավելի վաղ հանրաքվեի անցկացման մասին հայտարարել էր ղրիմթաթարական ժողովրդի առաջնորդ Մուսթաֆա Ջեմիլյովը: