Վրաստանի արտաքին պարտքը 2013-ի դեկտեմբերի 31-ի դրությամբ կազմել է 13 643,1 մլն դոլար, ինչը 319,6 մլն-ով ավել է 2013-ի սեպտեմբերի 30-ի ցուցանիշից ու 141,5 մլն դոլարով ավել 2012-ի դեկտեմբերի 31-ի-ի ցուցանիշից: Վրաստանի արտաքին պարտքը կազմում է ՀՆԱ-ի 84,6 տոկոսը, հաղորդում է «Նովոստի-Գրուզիան»՝ վկայակոչելով Վրաստանի Ազգայն բանկը:
Պարտքի ընդհանուր ծավալից 4 184,3 մլն դոլարը կազմում է կառավարության պարտքը, 338,2 մլն-ը՝ Ազգային բանկի, իսկ պետական ձեռնարկությունների պարտքը կազմում է 833,5 մլն:
2 649,1 մլն դոլար պարտք է երկրի բանկային սեկտորը, իսկ տնտեսության մյուս սեկտորների պարտքը կազմում է 3 372,3 մլն: 3 099,1 մլն է կազմում ընկերությունների միջեւ պարտքը: