Նախկին վարչապետ Տիգրան Սարգսյանը դիվանագիտական գործունեության կանցնի Բելգիայի թագավորությունում: Այս մասին NEWS.am-ին հայտնի է դարձել իր աղբյուրներից: Ըստ նախնական տեղեկությունների, նա կնշանակվի Բելգիայի թագավորությունում ՀՀ արտակարգ եւ լիազոր դեսպան: Սարգսյանը միաժամանակ համակարգելու է նաեւ ՀՀ հարաբերությունները բոլոր այն եվրոպական կառույցների հետ, որոնք գտնվում են Բելգիայում:
Ավելի վաղ NEWS.am-ը գրել էր, որ Հայաստանի նախկին վարչապետ Տիգրան Սարգսյանը դիվանագիտական աշխատանքի կանցնի, ինչի մասին այսօր՝ ապրիլի 13-ին ՀՀԿ Գործադիր մարմնի եւ խորհրդի նիստերից հետո հայտնել էր ԱԺ փոխնախագահ Էդուարդ Շարմազանովը, սակայն չէր հայտնել, թե ինչ պաշտոն է ստանալու նախկին վարչապետը: