Ամերիկյան Յուտա նահանգի ոստիկանությունը 39-ամյա կնոջը կալանավորել է սեփական յոթ երեխաների սպանության մեղադրանքով: Նրանք բոլորը նոր ծնված հասակում են մահացել: Ոստիկանությունում կարծում են, որ առաջին եւ վերջին սպանությունների միջակայքը 10 տարի է եղել:
Գերատեսչության աշխատակիցները երեխաների մարմինների մնացորդները հայտնաբերել են ստվարաթղթե արկղերում` կասկածյալի տանը: Նահանգի ոստիկանության մամուլի քարտուղարը հայտնել է, որ գործը հատկապես ծանր էր քննիչների համար, որոնց հոգեվիճակը վատթարանում էր «ամեն մի բացած տուփին զուգահեռ», հայտնում է BBC-ի ռուսական ծառայությունը:
Նշվում է, որ պաթոլոգանատոմները դեռ չեն հրապարակել մնացորդների զննության արդյունքները: