ԱՄՆ-ն շարունակում է Ռուսաստանի դեմ պատժամիջոցներ կիրառել: Այդ մասին ապրիլի 14-ին Ուկրաինայի համար 1 մլրդ դոլարի չափով վարկային երաշխիքների ստորագրման ընթացքում հայտարարել է ԱՄՆ-ի ֆինանասների նախարար Ջեյկոբ Լյուն, հաղորդում է Bloomberg-ը:
«Աշխատելով մեր դաշնակիցների հետ՝ մենք լիարժեք պատրաստ ենք Ռուսաստանի դեմ հավելյալ պատժամիջոցներ կիրառել, քանի որ նա շարունակում է Ուկրաինայում տիրող իրավիճակի լարումը՝ ներառյալ Ուկրաինայի արլեւլքում զինված գործողության աջակցությունը»,- նշել է նա:
Ջեյկոբ Լյուն 1 մլրդ դոլարի չափով վարկային երաշխիք է կնքել, որի շնորհիվ Ուկրաինան կարող է կրճատել պարտքի ֆինանսավորման արժեքը:
