Բրիտանական The Guardian եւ ամերիկյան Washington Post թերթերի լրագրողները ԱՄՆ-ի ԱԱԳ-ի մասին գաղտնիքներ հրապարակելու համար Պուլիտցերի մրցանակ (Pulitzer Prize) են ստացել՝ «Հանրությանը ծառայելու համար» անվանակարգում:
Հոդվածների նյութերը թերթերին տրամադրել էր ԱՄՆ-ի հատուկ ծառայությունների նախկին գործակալ Էդվարդ Սնոուդենը: Ըստ ամերիկացի փորձագետների՝ Սնոուդենի ձեռքում 1,7 միլիոնից ավելի գաղտնի փաստաթղթեր էին հայտնվել: Սնոուդենի պնդմամբ՝ այդ թվերը խիստ չափազանցված են, հայտնում է «ՌԻԱ Նովոստին»: Նախորդ տարի վերոնշյալ մրցանակը ստացել էր Sun Sentinel թերթը:
