Ղրիմի փրկարարները առաջին անգամ տարբեր բնույթի արտակարգ իրավիճակների արձագանքման համառուսական լայնածավալ ուսումնավարժանքների են մասնակցում: Այս մասին հայտնել է երկրի արտակարգ իրավիճակների նախարարության ներկայացուցիչներից մեկը: Վարչական կառույցների եւ արտակարգ իրավիճակների նախազգուշացման եւ վերացման պետական համակարգի ուժերով համալրված ուսումնավարժանքները Դաշնության սուբյեկտներում երկու փուլով կիրականացվեն` ապրիլի 15-16-ը:
Առաջին անգամ ԱԻՆ ուժերի աէրոմոբիլային խմբի, ինչպես նաեւ այլ գերատեսչությունների օպերատիվ ծառայությունների տեխնոգեն եւ բնական պատճառներով ստեղծված արտակարգ իրավիճակների վերացման հնարավորություններն ու պատրաստվածության աստիճանը կստուգվեն: Ուսումնական վարժանքների շրջանակում իրականացվելիք բոլոր գործողությունները կհամակարգվեն ՌԴ ԱԻՆ ճգնաժամային իրադրության պայմաններում վերահսկողության ազգային կենտրոնի կողմից, հաղորդում է ՌԻԱ-Նովոստին:
Նշվում է, որ բացի ԱԻՆ հատուկ ստորաբաժանումներից, վարժանքներին ներգրավված են նաեւ ՆԳՆ տարածաշրջանային վարչությունն ու անտառա-որսորդային տնտեսությունները:
