Այս տարվա առաջին եռամսյակի ընթացքում Ռուսաստանի ԱԴԾ Սահմանամերձ վարչության ստորաբաժանումները ՀՀ-ում ձերբակալել են անցակետերում պետական սահմանը խախտող քսան ու սահմանամերձ ռեժիմը խախտող յոթ անձանց:
Ինչպես NEWS.am-ի թղթակցին են հաղորդել Սահմանամերձ վարչության մամուլի ծառայությունից, փետրվարին սահմանամերձ ստորաբաժանումներից մեկը ձերբակալել էր Թուրքիայի երկու կին քաղաքացիների, որոնք փորձել են ապօրինաբար ֆոտոնկարահանել տեղանքը:
Բացի այդ, մարտի վերջին Արմավիրի սահմանամերձ ջոկատի վերահսկողության շրջանում ձերբակալվել էին ԱՄՆ չորս քաղաքացիներ, որոնք Բագարան գյուղ էին եկել առանց փաստաթղթերի: Նրանց հետ պրոֆիլակտիկ զրույց է անցկացվել, որից հետո նրանք արտաքսվել էին վերահսկվող տարածքից:
