Երեւանի պոլիկլինիկաներում ծառայություններն անվճար կլինեն, ոչ մի վճարում չպետք է կատարվի: Այս մասին այսօր հայտարարել է Երեւանի քաղաքապետի տեղակալ Դավիթ Օհանյանը:
Ի պատասխան հարցին, որ ՀՀ առողջապահության նախարարի պաշտոնակատար Դերենիկ Դումանյանը հայտարարել է, որ Երեւանի պոլիկլինիկաներում կներդրվեն որոշակի վճարովի ծառայություններ՝ Դավիթ Օհանյանը ընդգծել է, որ նման բան չի լինի: «Թեեւ իմ անձնական տեսանկյունից այդ գումարները պոլիկլինիկաներին օդ ու ջրի պես են հարկավոր՝ հաշվի առնելով դրանց ոչ բարենպաստ վիճակը: Սակայն դա քաղաքականություն է ու ներկայումս այդ հաստատություններում ծառայությունն անվճար է»,-ընդգծել է նա:
