Չինաստանի հարավում տեղի ունեցող գործադուլներին են միացել կոշիկ արտադրող այնպիսի ֆաբրիկաների աշխատակիցներ, որոնք արտադրանք են տալիս Nike եւ Adidas ընկերություններին:
Գործադուլի մասնակիցները պահանջում են բարելավել իրենց աշխատանքային պայմանները ու բարձրացնել աշխատավարձը: Հաղորդվում է, որ ձերբակալվել են մի քանի ցուցարարներ, փոխանցում է BBC-ի Ռուսական ծառայությունը:
Որոշ տվյալների համաձայն՝ ակցիան սկսվել է այն բանից հետո, երբ Գուանդուն նահանգի ձեռնարկություններից մեկի աշխատակիցները պատահաբար իմացել են, որ իրենք պաշտոնապես հաշվառված են որպես ժամանակավոր աշխատակիցներ:
Ֆաբրիկան, որի մասին խոսք է գնում, պատկանում է թայվանական Pou Chen կոռպորացիային ու կոշիկներ է արտադրում համաշխարհային տասնյակից ավելի ընկերությունների համար:
