Հնդկաստանում Գերագույն դատարանը որոշումէ կայացրել, համաձայն որի երկրի քաղաքացին կարող է իրեն տղամարդ կամ կին չհամարել, այլ «երրորդ սեռի ներկայացուցիչ», հաղորդում է «ՌԻԱ Նովոստին»:
Նշված որոշումն ուղղված է Հնդկաստանում խտրականության դեմ, որին ենթարկվում են տրանսգենդերները:
Հնդկական կառավարությունը հետայսու պարտավոր է «երրորդ սեռի» ներկայացուցիչներին հատուկ քվոտաներ տրամադրել կրության եւ աշխատատեղերի համար: Իշխանությունները պետք է հատուկ արշավներ իրականացնեն՝ հանրությանը տեղեկացնելով տրանսգենդերների կյանքի եւ խնդիրների մասին: Նրանց համար նաեւ հատուկ զուգարաններ են ստեղծվելու:
Նշենք, որ որոշ գնահատականներով Հնդկաստանում ապրում է մոտ 2 մլն տրանսգենդեր:
