Ուկրաինայի ՆԳՆ-ն հրապարակել է ապրիլի 15-ին Կրամատորսկում անցկացված հակաահաբեկչական հատուկ գործողության մանրամասն տեսագրությունը:
Նշվել էր, որ Կրամատորսկում օդանավակայանն ազատելու հատուկ գործողության ընթացքում ուժայինները գերի էին վերցրել անջատողականների:
«ՆԳՆ-ի հատուկ նշանակության ջոկատը հետ է մղել զինված հարձակվողներին, որոնք փորձել էին գրոհել տեղի օդանավակայանը: Հակաահաբեկչական հատուկ գործողությունն առանց զոհերի է ընթացել: Տեղեկություն կա մեկ վիրավորի մասին: Զինված դիմակայության արդյունքում օդանավակայանն ուկրաինացի ուժայինների վերահսկողության տակ է», - հայտնել է ներքին գործերի նախարարի խորհրդական Ստանիսլավ Ռեչինսկին, փոխանցում է ՈՒՆՆ -ն: