Ադրբեջանի բանակում հերթական միջադեպն է գրանցվել. զինվորը կրակել է ինքն իրեն:
ԱՊԱ-ն հայտնում է, որ միջադեպը գրանցվել է Նախիջեւանում գտնվող զորամասում:
Զինվոր Քյամրան Ջալիլովը վիրավորվել է ծառայողական զենքից անզգուշությամբ արձակված կրակոցից: Վիրավոր զինվորը տեղափոխվել է հիվանդանոց:
Պաշտպանության նախարարության մամուլի ծառայությունում հաստատել են այդ տեղեկությունը: Հարուցվել է քրեական գործ, կատարվում է քննություն: Նշենք, որ Ջալիլովը զորակոչվել էր Լյանքյարանի շրջանից:
