Թուրքիայի նախագահ Աբդուլլահ Գյուլը Ղրիմի թաթարների առաջնորդ համարվող, Ուկրաինայի խորհրդարանի պատգամավոր Մուսթաֆա Աբդուլջեմիլ Քըրըմօղլուին «Հանրապետության» շքանշան է հանձնել։
Թուրքական Bugun պարբերականի փոխանցմամբ՝ Թուրքիայի նախագահական պալատում իրականացված միջոցառման ժամանակ նախագահ Աբդուլլահ Գյուլը հայտարարել է, թե Մուսթաֆա Աբդուլջեմիլ Քըրըմօղլուն ամբողջ կյանքը նվիրել է Ղրիմի թաթարների ազատության համար եւ արժանի է ամենաբարձր շքանշանի։
«Պարոն Քըրըմօղլուին այս շքանշանը հանձնելու գաղափարն րնձ մոտ ծագել էր դեռ 2 տարի առաջ, սակայն Ուկրաինայում ստեղծված հայտնի իրադարձությունների պատճառով որոշեցի մի փոքր սպասել իրավիճակի կարգավորման համար, որից հետո անցա գործի»,-ասել է Թուրքիայի նախագահ Աբդուլլահ Գյուլը։
Գյուլը նշել է, թե իրենց թաթար եղբայրների հայրենիքը համարվող Ղրիմը թուրքերի սրտում կարեւոր տեղ ունի՝ հավելելով, որ 13-րդ դարից սկսած թաթարներն այդ հողերում խաղաղության եւ հանգստության մեջ են ապրել։