Ռուսամետ ակտիվիստների հետ Կրամատորսկի հարավային ծայրամասում բանակցությունների արդյունքում ուկրաինացի զինվորները դուրս են եկել շրջափակումից՝ անձնական զենքով եւ ծառայողական տեխնիկայով, հայտնում են Ուկրաինայի ՊՆ մամուլի ծառայությունից:
«15 միավոր զրահատեխնիկան, որը Կրամատորսկի Պչյոլկինա ավանի հարեւանությամբ արգելափակվել էր ռուսամետ ակտիվիստների կողմից, ապրիլի 17-ին, ժ. 08.00–ի դրությամբ վերադարձվում է Դնեպրի մարզ` մշտական տեղակայման վայր», - ասվում է հաղորդագրությունում:
Նշվում է, որ բողոքողների հետ բանակցությունները վարել է Ուկրաինայի զինված ուժերի դեսանտային զոքերի հրամանատար գնդապետ Ալեքսանդր Շվեցը:
Պաշտպանության նախարարությունում հայտնել են, որ ԶՈՒ-ի զրահապատ տեխնիկայի եւս 6 միավոր, որոնք նախօրեին գրավել էին ծայրահեղականները, շարունակում են արգելափակված մնալ Սլավյանսկ քաղաքի կենտրոնում: Այդ մեքենաների անձնակազմը մեկնել է մշտական տեղակայման վայր` Դնեպրի մարզ:
