Հայաստանի կրթության եւ գիտության նախարարի պաշտոնակատար Արմեն Աշոտյանի հրամանով՝ ՀՀ-ում գիտական կոչումների եւ աստիճանների շնորհման ոլորտը կարգավորող իրավական ակտերը վերանայելու, նոր իրավական ակտեր մշակելու նպատակով ստեղծվել է աշխատանքային խումբ:
Համաձայն հրամանի՝ խումբը կղեկավարի ՀՀ կրթության եւ գիտության նախարարության աշխատակազմի ղեկավար Մհեր Ղազարյանը: Հանձնարարվել է մինչեւ սույն թվականի սեպտեմբերի 20-ը ՀՀ կրթության եւ գիտության նախարարին ներկայացնել գիտական կոչումների եւ աստիճանների շնորհման ոլորտը կարգավորող նոր իրավական ակտերի նախագծեր: