Իրանը վերջին հինգ ամիսներին ավելի քան կրկնապատկել է նավթի արտահանման ծավալները: Այս մասին հայտարարել է ԻԻՀ նավթի նախարարՄանսուր Մոազամին:

Իրանից  արտասահման սեւ ոսկու մատակարարումները տվյալ ժամանակահատվածում աճել են օրական 700 հազարից մինչեւ 1,5 միլիոն բարելի:

Մոազամին ասել է, որ Իրանի նավթի արտահանումը այսուհետ էլ կաճի` ինչպես ծավալի, այնպես էլ արժեքի առումով, հայտնում է ԻՏԱՌ-ՏԱՍՍ-ը` վկայակոչելով իրանական լրատվամիջոցները:

Նշենք, որ իրանական նավթի հիմնական գնորդներն են ՉԺՀ-ն, Հնդկաստանը, Հարավային Կորեան, Թուրքիան եւ Սիրիան:

Թեհրանը, հակառակ պատժամիջոցներին եւ քվոտաներին, կմեծացնի նավթարդյունահանման ծավալները