A.T.Kearney վարկանշային գործակալությունը հրապարակել է Global Cities Index հերթական վարկանիշը, որում ընդգրկված են աշխարհի 84 խոշոր քաղաքներ: Վարկանիշը գլխավորում է Նյու Յորքը, երկրորդ տեղում է Լոնդոնը, երրորդում` Փարիզը:

Լոս Անջելեսը զբաղեցրել է 6-րդ տեղը, Մոսկվան` 17-րդը, իսկ Բեռլինը` 19-րդը: Global Cities Index-ում  հաշվի է առնվում հինգ կատեգորիա` գործարար աշխուժության մակարդակ,  մարդկային ռեսուրս, քաղաքում տեղեկատվության փոխանակման վիճակ, մշակույթի ոլորտում գործունեության փորձ, տեղի քաղաքականությունում բնակչության ներկայացվածություն:  Global Cities Index-ը հրապարակվում է տարվա մեջ երկու անգամ: