Ուկրաինայի նախկին նախագահ Վիկտոր Յանուկովիչի ավագ որդու` Ալեքսանդր Յանուկովիչի նկատմամբ հետախուզում է հայտարարվել: Այս մասին տեղեկություն է հայտնվել երկրի ՆԳՆ պաշտոնական կայքում, տեղեկացնում է censor.net-ը:

Համաձայն հրապարակված տվյալների, Ալեքսանդր Յանուկովիչի հանդեպ հետախուզում է հայտարարվել Ուկրաինայի անվտանգության ծառայության կողմից: Նրան երկրի քրեական օրենսգրքի 366 հոդվածի երկրորդ մասով սահմանված հանցագործություններ են վերագրվում` ծառայողական բնույթի խաբեություն եւ փաստաթղթերի կեղծում, որոնք ծանր հետեւանքներ են առաջ բերել: