Պակիստանի Կարաչի քաղաքում անհայտ անձինք առեւանգել են ՄԱԿ-ի մանկական հիմնադրամի՝ ՅՈՒՆԻՍԵՖ-ի երկու տեղացի աշխատակիցների: Այս մասին հաղորդել է «Դունիա» հեռուստաալիքը:
Տղամարդիկ մեկնում էին իրենց հարազատներին այցելության, երբ նրանց վրա են հարձակվել զինված մարդիկ: Ոստիկանությունը փորձում է պարզել, թե ով է կանգնած այս առեւանգման հետեւում: Դեռեւս որեւէ պայման չի ներկայացվել պակիստացիներին ազատ արձակելու համար, հաղորդում է ԻՏԱՌ-ՏԱՍՍ-ը:
Փետրվարին գրոհայինները առեւանգել էին Առողջապահության համաշխարհային կազմակերպության երեք պակիստանցի աշխատակիցների: Նրանց գտնվելու վայրի մասին մինչ օրս ոչինչ հայտնի չէ: